Under the law of Hong Kong, intoxicating liquor must not be sold or supplied to a minor in the course of business. 根據香港法律,不得在業務過程中,向未成年人售賣或供應令人醺醉的酒類。

邱吉爾——那些歷史上鼎鼎大名的酒鬼們

Share on facebook
Share on twitter

邱吉爾 ——那些歷史上大名鼎鼎的酒鬼們

以下介紹嘅呢位名人,可以話係無人不曉,被認為係20世紀最重要政治領袖之一,仲一直係大部分英國人心目中嘅民族英雄——佢就係英國前首相邱吉爾。
“𝐼’𝓋𝑒 𝑔𝑜𝓉𝓉𝑒𝓃 𝓂𝑜𝓇𝑒 𝑜𝓊𝓉 𝑜𝒻 𝒶𝓁𝒸𝑜𝒽𝑜𝓁 𝓉𝒽𝒶𝓃 𝒶𝓁𝒸𝑜𝒽𝑜𝓁 𝒽𝒶𝓈 𝓉𝒶𝓀𝑒𝓃 𝑜𝓊𝓉 𝑜𝒻 𝓂𝑒. ” – Winston Churchill

「我從酒精獲得的東西比酒精從我身上拿走的多。」 – 邱吉爾
邱吉爾係一個真正嘅「酒鬼」:永遠杯不離手,更從不諱言佢飲酒飲得有幾密。但同時,邱吉爾攞過諾貝爾文學獎,又帶領英國喺二戰中打贏軸心國,過足傳奇一生。正如佢句名言所講咁,酒精始乎係一直為呢位偉人服務,而從冇駕馭過佢。

就算係酒鬼,只要係你飲酒而唔係酒飲你,飲再多酒又何妨呢?
““𝐼 𝒸𝑜𝓊𝓁𝒹 𝓃𝑜𝓉 𝓁𝒾𝓋𝑒 𝓌𝒾𝓉𝒽𝑜𝓊𝓉 𝒸𝒽𝒶𝓂𝓅𝒶𝑔𝓃𝑒. 𝐼𝓃 𝓋𝒾𝒸𝓉𝑜𝓇𝓎 𝐼 𝒹𝑒𝓈𝑒𝓇𝓋𝑒 𝒾𝓉. 𝐼𝓃 𝒹𝑒𝒻𝑒𝒶𝓉 𝐼 𝓃𝑒𝑒𝒹 𝒾𝓉.” – Winston Churchill

「沒有香檳,我便活不下去。勝利時我應得它;失敗時我需要它。」 – 邱吉爾
28歲嘅時候,邱吉爾去南非做戰地記者,採訪第二次布爾戰爭。估下佢行李箱入面裝咗啲咩?開估:答案係40支紅酒,18支威士忌,同12支溝酒用嘅酸橙汁!佢同事話,佢落腳地方嘅酒嘅存貨多到夠開舖咯。小編只想問:佢個篋有幾大?!

講返句名言。想飲酒嘅人,確實點都搵到理由呢 ……
“𝒯𝒽𝑒 𝓌𝒶𝓉𝑒𝓇 𝓌𝒶𝓈 𝓃𝑜𝓉 𝒻𝒾𝓉 𝓉𝑜 𝒹𝓇𝒾𝓃𝓀. 𝒯𝑜 𝓂𝒶𝓀𝑒 𝒾𝓉 𝓅𝒶𝓁𝒶𝓉𝒶𝒷𝓁𝑒, 𝓌𝑒 𝒽𝒶𝒹 𝓉𝑜 𝒶𝒹𝒹 𝓌𝒽𝒾𝓈𝓀𝓎. 𝐵𝓎 𝒹𝒾𝓁𝒾𝑔𝑒𝓃𝓉 𝑒𝒻𝒻𝑜𝓇𝓉, 𝐼 𝓁𝑒𝒶𝓇𝓃𝑒𝒹 𝓉𝑜 𝓁𝒾𝓀𝑒 𝒾𝓉.” – Winston Churchill

「水是不適合飲用的。為了令它變得可口,不得不添加威士忌。」 – 邱吉爾
係啦係啦,辛苦晒你啦真係……

講呢句話嘅時候,邱吉爾仲非常年輕,大概25、6歲。嗰時佢隨軍隊調往印度,由於當地並無佢嗰時好鍾意嘅Rum,佢就開始接觸威士忌,但就唔太鍾意威士忌嘅嗆辣味道。「經過不懈努力,我才學會喜歡威士忌。」

加上印度當地水源的確未如理想,所以雖然佢呢句話聽落好搞鬼,但其實可能有一半係講真嫁。題外話,佢隨住年月越來越鍾意威士忌,仲成為佢晚年最鍾意嘅酒……

人生嘅嘢,真係估佢唔到呀。
“𝐵𝑒𝓈𝓈𝒾𝑒, 𝓂𝓎 𝒹𝑒𝒶𝓇, 𝓎𝑜𝓊 𝒶𝓇𝑒 𝓊𝑔𝓁𝓎, 𝒶𝓃𝒹 𝓌𝒽𝒶𝓉’𝓈 𝓂𝑜𝓇𝑒, 𝓎𝑜𝓊 𝒶𝓇𝑒 𝒹𝒾𝓈𝑔𝓊𝓈𝓉𝒾𝓃𝑔𝓁𝓎 𝓊𝑔𝓁𝓎. 𝐵𝓊𝓉 𝓉𝑜𝓂𝑜𝓇𝓇𝑜𝓌 𝐼 𝓈𝒽𝒶𝓁𝓁 𝒷𝑒 𝓈𝑜𝒷𝑒𝓇 𝒶𝓃𝒹 𝓎𝑜𝓊 𝓌𝒾𝓁𝓁 𝓈𝓉𝒾𝓁𝓁 𝒷𝑒 𝒹𝒾𝓈𝑔𝓊𝓈𝓉𝒾𝓃𝑔𝓁𝓎 𝓊𝑔𝓁𝓎.” – Winston Churchill

「親愛的貝絲,你真醜。但明天我便會酒醒了,而你還是一樣的醜。」 – 邱吉爾
邱吉爾成為國會議員後,都係貫徹始終,醉住返工~

有一次開會,邱吉爾又飲到啤啤夫。火爆工黨議員貝絲(Bessie Braddock) 見到咁,就衝埋嚟挑機:「你真係醉得好噁心!好噁心呀!」

於是,邱吉爾就示範咗咩係典型英式鬧人技巧:簡單一句,威力勁過十句粗口加埋呀陰公……
“𝐼 𝒹𝓇𝒾𝓃𝓀 𝒶𝓃𝒹 𝓈𝓂𝑜𝓀𝑒 𝒶𝓃𝒹 𝐼 𝒶𝓂 200 𝓅𝑒𝓇𝒸𝑒𝓃𝓉 𝒻𝒾𝓉.” – Winston Churchill

「我既飲酒又食煙,因此我百分之二百健康。」 – 邱吉爾
1940年某一日,邱吉爾同二戰相當有名嘅蒙哥馬利將軍(Bernard Law Montgomery)食飯。

邱吉爾問佢飲咩,蒙哥馬利話:”I neither drink nor smoke and I am 100 percent fit.” 咁講法,叫酒鬼邱吉爾情何以堪?結果,邱吉爾輕輕一下反手扣殺,就用幽默化解咗呢個困境。

邱吉爾一生離唔開酒,普遍認為係因為佢患有相當嚴重嘅抑鬱,佢仲將抑鬱症叫做唔會離開佢嘅「黑狗」(“black dog”),飲酒就係佢同「黑狗」共處嘅方法。雖然係咁,正如第一集所講,邱吉爾喺酒精上得到嘅比失去嘅多。無酒就無邱吉爾,佢係名副其實嘅一代酒客~